اليوم لگ ثاني معا راحـة البـال
وانا بعـد همـي لـه اليـوم ثانـي
اليـوم تارگنـي اناظـر بـالاطـلال
صورة ، رساله ، حلم ، جرح واماني
ليلي قضيتـه بيـن هـمٍ وغربـال
واقول في نفسي حبيبـي نسانـي
غنيت انا عقبگ من الضيـق مـوال
يومگ تسمّـع للطـرب والاغانـي
لي دمعةٍ من فوق الاوجـان تختـال
يومـگ تلاعـب مترفـات المبانـي
وبي عبرة منهـا المخاليـق تهتـال
ياعبرتـي لا تفضحينـي عشـانـي
ياعبرتي خلي لگ الصـدر منـزال
لا هوب بگ داري ولا هـوب عانـي
مشغول له في ترفة ٍ حالهـا حـال
ومهوب فاضـي لعبرتـي او جنانـي
في يوم واحد نسّـتـه گل الامـال
وش عاد لو يدري بشـوق غشانـي
ماهوب مثل اول هذاگ الغـلا زال
عزاه گيـف الـود زال بثوانـي
اربع سنين طوال يا گيف تنـزال
وتحط في قلبگ هنـوف ٍ مگانـي
ما گنت اظنگ تجحـد الـود لا طـال
اثرگ على طريـف وتبينـي اعانـي
قد قالـوا ان البعـد والصـد قتـال
وانـا اشهـد انـه علـة ٍ بالمحانـي
يومي اشوفگ لابس ٍ بشت وعقال
والشارب الاسـود وزول ٍ سبانـي
وعروستگ من الحيا ترخـي الشـال
وترسل لها بسمـه تزيـد امتحانـي
دمعي بلا علمي على وجنتي سـال
اشتقت لگ ليتـگ تحـس بحنانـي
ليتگ تشوف الحال يا متلـف الحـال
بس التفت لي شـوف وشهو بلانـي
نصيتها تضحگ لهـا لاهـيٍ سـال
واقـول ياليتـه حبيبـي نصانـي
الله يادنيـا التعاسـه والاهــوال
الله يستر وش يخبّـي زمانـي
غلطانه اللـي تعشـق اليـوم رجـال
مهما حلـف بالـود يبقـى انانـي
وقلب الرجل مابه من الحـب مثقـال
والبنـت ترفـه قلبـهـا ما يـدانـي
حاولت اعبر والقلم في يـدي مـال
من هول مابي انعقـد بـي لسانـي
[center]
موضوع: غلطانه اللـي تعشـق اليـوم رجـال 
الثلاثاء أغسطس 25, 2009 12:07 am
